Buscar

Herritarren kultura finantzarioa hobetzen laguntzeko xedez lan egiten dute CNMV-k eta Espainiako Bankuak, eta tresnak, trebetasunak eta ezagutzak ematen dizkiete, beren bizitzan zehar erabaki finantzario informatuak eta egokiak har ditzaten

2018ko maiatzaren 19an, lankidetza-hitzarmen bat sinatu zuten erakunde biek, hezkuntza finantzarioaren plan bat garatzeko nazio-mailan. Planaren egintza ikusgarriena web-orri hau da: www.finanzasparatodos.es . Herritar guztientzako erreferentziazko atari bat nazio-mailan, hezkuntza finantzarioari dagokionez. Atari horrek informazio praktikoa eskaintzen digu, bai eta kultura-maila guztietako pertsonak –finantzei buruz aurrez dituzten ezagutzak gorabehera– prestatzeko behar diren tresnak ere.

Planak gauzatutako oinarrizko ekintza-ildoak eta jarduketak –zikloetarako zehaztuak– definitzen dituzten dokumentuak kontsultatu ahalko dituzu hemen: 

Hezkuntza finantzarioaren estrategia nazionalei buruzko Goi-Mailako Printzipioak, ELGA/INFE (International Network for financial Education) erakundeak zehaztutakoak, nahiz haren gomendioak jarraitzen ditu planak. Printzipio eta gomendio horiek, gainera, 2012ko ekainean Los Cabosen (Mexiko) eginiko G-20 taldearen goi-bileran modu irekian babestu ziren.

Hezkuntza Finantzarioaren Planaren testuinguruan, Gaitasun Finantzarioen Inkesta egin da (GFI), kontzeptu finantzarioei helduta, 18 eta 79 urte bitarteko espainiar herritarren ezagutzak eta ulermena neurtzen dituena. Estatistika Plan Nazionalean jaso da inkesta eta ezaugarri garrantzitsuak ditu. Horiei esker, Espainiako biztanle helduen ezagutza finantzarioen deskribapen zehatz eta ulergarria egin daiteke, bai eta sistema finantzarioarekin duten loturarena ere.